प्रत्येक साउन महिनाभर लाग्ने मेलामा विशेष गरी साउनको पहिलो र अन्तिम सोमबार भक्तजनाहरुको घुईचो लाग्ने गर्छ । महादेवको दर्शन तथा मेलाभर्न सिन्धुली तथा छिमेकी जिल्लाहरु सर्लाही, महोत्तरी, धनुषा, सिरहा, रौतहट, उदयपुर,बारा,पर्सा लगायत भारतको सितामाढी, मधुवनी लगायतका शहरहरुबाट बोलबमका भक्तजनहरु आउने गरेको बोलबम मेला व्यवस्थापन समितिले जनाएको छ ।
मेला स्थलमा नेपाल प्रहरीले सुरक्षा प्रदान गर्ने ब्यवस्था मिलाईको बताइएको छ । साउन महिनाभरी मन्दीरमा मेला लाग्ने भएपनि विशेष गरी साउनको प्रत्यक सोमबारहरुमा भक्तजनाहरुको बाक्लो उपस्थित हुने गरेको छ । शुद्ध मनले निराहार ब्रत वसि महादेवको दर्शन गर्नाले मनले चिताएको ईच्छा पुरा हुने विश्वासले मन्दिरको दर्शन गर्न जाने गरिएको दर्शनार्थिहरुको भनाई छ ।
कमला नदीमा पुल बनिनसक्दा हरेक वर्ष तीर्थयात्रीलाई नदी पार गर्न समस्या हुँदै आएको छ । मधुगंगा मेलामा जाने तीर्थयात्री नदी तर्ने क्रममा बर्षेनी बग्ने समेत गरेका छन् । कतिले ज्यानै घुमाएका छन् । नदी तर्दा कुनै घटना नहुन्न भनेर अघिल्लो बर्ष देखि तीर्थयात्रीलाई नदी तार्न दुधौली नगरपालिका सिन्धुलीले नगर प्रहरी र नेपाल प्रहरी खटाएको जनाईएको छ ।
0 comments:
Post a Comment